Թուրքիայի իշխանությունները նախաձեռնել են գագաթնաժողով Թրամփի, Պուտինի և Զելենսկու միջև

Թուրքական իշխանությունները նախաձեռնել են Ուկրաինայի հարցով գագաթնաժողով առաջնորդների մակարդակով, սակայն դեռևս կոնկրետ որոշումներ չկան. Թուրքիան կարող է դառնալ «հարմար հարթակ»՝ միջնորդության իր փորձի շնորհիվ, «ՌԻԱ Նովոստի»-ին հայտնել է Անկարայի աղբյուրը։
Reuters-ը, հղում անելով անանուն աղբյուրին, հաղորդում է, որ Ռուսաստանի նախագահ Վլադիմիր Պուտինի, ԱՄՆ-ի առաջնորդ Դոնալդ Թրամփի և Վլադիմիր Զելենսկու միջև առաջարկվող հանդիպման հնարավոր վայրը կարող է լինել Եվրոպան կամ Մերձավոր Արևելքը։ Ավելի վաղ CBS-ը, հղում անելով բանակցություններին ծանոթ երկու աղբյուրների, հաղորդել էր, որ Միացյալ Նահանգները փնտրում է տեղ՝ Պուտինի, Թրամփի և Զելենսկու միջև հանդիպումը կազմակերպելու համար հաջորդ շաբաթվա վերջին։ «Ամենաբարձր մակարդակով, անձամբ պարոն նախագահ (Թուրքիայի՝ Ռեջեփ Թայիփ Էրդողանի - խմբ.) նախաձեռնվել է Ռուսաստանի Դաշնության, Միացյալ Նահանգների և Ուկրաինայի առաջնորդների գագաթնաժողովը Թուրքիայում։ Դեռ կոնկրետ որոշումներ չկան, բայց առաջարկը դեռևս ուժի մեջ է, այն հնչել է բառացիորեն երեկ՝ պարոն նախագահի և Վլադիմիր Զելենսկու միջև բանակցությունների ժամանակ», - ասել է գործակալության զրուցակիցը։ Նրա խոսքով՝ Թուրքիան «իդեալական հարթակ է» Ուկրաինայի հարցով առաջնորդների մակարդակով գագաթնաժողովի համար։