Երեքշաբթի, 21 ապրիլի, 2026 թ.
|
Ստեփանակերտում`   +8 °C

Լավրովն Ալյասկայի հյուրանոց է ժամանել «ԽՍՀՄ» գրությամբ սվիտերով

Լավրովն Ալյասկայի հյուրանոց է ժամանել «ԽՍՀՄ» գրությամբ սվիտերով
582
Ուրբաթ, 15 օգոստոսի, 2025 թ., 10:26

ՌԴ արտաքին գործերի նախարար Սերգեյ Լավրովը Անքորիջի հյուրանոց է ժամանել՝ հագին սվիտեր՝ վրան գրված «СССР» («ԽՍՀՄ»)։ Կադրերը հրապարակվել են «Իզվեստիա» Telegram ալիքի կողմից։

Լրագրողները Լավրովին հարցրել են, թե արդյոք նա նախկինում եղել է Ալյասկայում։ Նախարարը դրական պատասխան է տվել։

Մինչ այդ, Սերգեյ Լավրովը կոչ է արել Ալյասկայի գագաթնաժողովի վերաբերյալ որևէ կանխատեսում չանել և նշել է, որ Ռուսաստանը հստակ դիրքորոշում ունի, որը կհայտարարվի։ Նա նաև խոսել է միջոցառման մեկնարկից առաջ նյարդայնության բացակայության մասին։

Հիշեցնենք՝ այսօր՝ օգոստոսի 15-ին Վլադիմիր Պուտինը և ԱՄՆ նախագահ Դոնալդ Թրամփը բանակցություններ կանցկացնեն Ալյասկայում։ Հիմնական թեման Ուկրաինայում խաղաղությունն է։ Քննարկվող առաջարկները կարող են ներառել տարածքների փոխանակում և Կիևի կողմից ՆԱՏՕ-ին միանալուց հրաժարվելը։