«Եթե մենք պիտի ամաչենք, դուք պիտի գետինը մտնեք»․ Գառնիկ Դանիելյան

«Բա ձեզ պե՞տք է, պարո՛ն Ալեքսանյան, բզբզում եք։ Մենք ձեր տեղը ամաչում ենք»,- ԱԺ-ում հայտարարությունների ժամին նշեց «Հայաստան» խմբակցության պատգամավոր Գառնիկ Դանիելյանը՝ անդրադառնալով Վահագն Ալեքսանյանի ելույթին։

«Շուշի, Հադրութ, դեօկուպացիա ասելով, Արցախի գլուխն ուտելով, զրոյական կետից սկսելով, անընդհատ զիջումներ անելով, էլ ՀՀ տարածք չմնաց, որ չնվիրաբերեք, էլ պահանջ չմնաց, որ չկատարեք, հիմա էլ գալիս եք ասում եք՝ չեք ամաչո՞ւմ։ Եթե մենք պիտի ամաչենք, դուք պիտի գետինը մտնեք,- նշեց պատգամավորը՝ հավելելով,- դուք անընդհատ բանավոր փոխըմբռնումներ եք կատարում Ալիևի հետ ու ասում՝ ՀՀ էս տարածքը գնաց, էն տարածքը գնաց․ հիմա ո՞րն է տնային հանձնարարությունը, ի՞նչ հանձնարարություն է ձեզ տվել Ալիևը, դուք կիմանաք»։