«Չգիտեմ՝ ցավակցե՞լ, թե շնորհավորել ՀՀ վարչապետին և ԱԳՆ-ին»․ Տիգրան Խզմալյան

Եվրոպական կուսակցության ղեկավար Տիգրան Խզմալյանի ֆեյսբուքյան գրառումը․ «Ոչ, սա այլևս չի կարող սխալ լինել՝ Թրամփը սեպտեմբերի 12-ին կրկնեց իր օգոստոսի 8-ի աշխարհահռչակ դարձած հայտարարությունը, թե բա նա Ազերբայջանի և ԱԼԲԱՆԻԱՅԻ միջև պատերազմն է ընդհատել։ Հանուն արդարության նշենք, որ այս անգամ նա կարողացավ ճիշտ արտասանել «Ազերբայջան» բառը, սակայն Հայաստանն այդպես էլ մնաց «Ալբանիա»… Չգիտեմ՝ ցավակցե՞լ, թե շնորհավորել ՀՀ վարչապետին և ԱԳՆ-ին այսպիսի դարակազմիկ խաղաղության համաձայնագրով, որտեղ վկա-քավորը չի էլ հիշում, թե որ երջանկահիշատակ երկրին է նա օրհնել իր Նոբելյան մրցանակով։ Պատերազմն էլ Թրամփի պատմության դասագրքում դարձավ 22-ամյա, բայց դա արդեն էական չէ։ Էական է, որ ՀՀ ԿԳՍՄ նախարարությունն կրկին պետք է վերանվանի պատմության դասագիրքը՝ այսուհետ «Ալբանական պատմություն»»։