«Այս փորձությունը դուք՝ հայերի մեծամասնությունը, առայժմ չեք հաղթահարում»․ Հովհաննես Ավետիսյան

Հանրային կառավարման մասնագետ Հովհաննես Ավետիսյանի ֆեյսբուքյան գրառումը․ «Արքեպիսկոպոսների «դատը» հայի արժանապատվության վերջին փորձությունն է: Բանակդ ջարդել են, կառավարությունդ զավթել, իրավապահ և դատական համակարգերդ ստրկացրել, մնացել է հավատքդ: Նրանք արդեն շատ մոտ են անդառնալի կետին, երբ քեզ համար միևնույն կլինի՝ ինչ գերբի և դրոշի տակ ես ապրում, ինչ լեզվով ես խոսում, ինչ հավատքի և համոզմունքի ես: Եվ այս կետում քեզ հետ կանեն ամենը, ինչ ուզեն:
Փորձությունը քո լռությունն է: Երբ դու լուռ և հաշտ ես, որ քեզ ծառայող, քո տեսակին ծառայող, քո հոգևոր հայրեր՝ գերաշնորհ արքեպիսկոպոսների են կալանավորել և «դատում»:
Մնացյալը հետևանքներ են, եթե սա հանդուրժում ես, ապա հանդուրժելու ես նաև սահմանադրությանդ և գերբիդ արատավորումը, համաձայնվելու ես ցանկացած տեսակի զիջումների ու քո շարունակական ստրկացմանը, իսկ նրանք սա լավ գիտեն:
Այս վերջին փորձությունը դուք՝ հայերի բացարձակ մեծամասնությունը, առայժմ չեք հաղթահարում: Չեք էլ գիտակցում, որ սա ձեր փորձությունն է, իսկ ձեր անտարբերությունը՝ լուռ համաձայնությունն է ձեր անունից հաջորդ բոլոր զիջումների:
հ.գ. Լռելայն «ընտրությունների» պատրաստվելը համակերպման և ձախողման գլխավոր ցուցիչն է, հայ ժողովրդին խաբելու հերթական արարը»: