«Եթե նախագահներին մեղադրում է օկուպացիայի մեջ, ուրեմն իր տղան էլ է փոքրիկ օկուպանտ»․ Գառնիկ Դավթյան

«Նման մեկնաբանություններ և հայտարարություններ միայն ադրբեջանական կողմն է անում, Նիկոլ Փաշինյանը խաղում է Ադրբեջանից ուղարկված հայկական պատվիրակի դեր․ Նիկոլն Ալիևի ձայնն է բարձրացնում»,- «24Նյուզ-ի» հետ հարցազրույցում այս կարծիքը հայտնեց ադրբեջանագետ Գառնիկ Դավթյանը՝ անդրադառնալով Նիկոլ Փաշինյանի հայտարարությանը։

Դավթյանի դիտարկմամբ՝ այդպիսի հայտարարություններում ո՛չ քաղաքական միտք կա, ո՛չ էլ բարոյական հիմք, և այդ հայտարարություններն անող մարդիկ կա՛մ ծախված են, կամ չունեն հայկական ծագում։

«Տարիներ շարունակ Ադրբեջանը պնդել է, թե հայերն օկուպանտ են և ագրեսոր, Փաշինյանն իր հայտարարությամբ ամրապնդում է դա․․․ Ето ещё цветочки, Հայաստանի դեմ և Հայաստանի շուրջ լուրջ պրոցեսները սկսվելու են 2026-ից հետո, եթե ՔՊ-ն անցնի խորհրդարան՝ որպես մեծամասնություն։ Սրանով հող է նախապատրաստվում, որ Ալիևը հետագայում ասի՝ տեսե՛ք՝ օկուպանտ են այդ նախագահները, նրանց հանձնի՛ր ինձ։ Եվ ես չեմ կասկածում, որ Փաշինյանը կհանձնի»,- նշեց ադրբեջանագետը՝ ընդգծելով՝

հիմա Աշոտիկը ահաբեկի՞չ է, թե՞ ոչ, եթե նախագահներին մեղադրում է օկուպացիայի մեջ, ուրեմն իր տղան էլ է փոքրիկ օկուպանտ, այդպես է ստացվում։