«Նիկոլ Փաշինյանի ու Վեհափառի միջև հանդիպման հնարավորություն տեսնո՞ւմ եք». լրագրողը՝ ՔՊ-ականներին

ԱԺ ճեպազրույցների ժամին, դիմելով ՔՊ-ական պատգամավորներին, լրագրողը հարցրեց. «Հնարավորություն տեսնո՞ւմ եք, որ ի վերջո տետատետ հանդիպում, երկխոսություն տեղի ունենա Նիկոլ Փաշինյանի ու Վեհափառի միջև»: Պատգամավոր Արթուր Հովհաննիսյանն ասաց. «Դա մեծապես կախված է Կտրիճ Ներսիսյանի ու մյուս հոգևորականների պահվածքից: Հարցի հասցեատերը ես չեմ, ամեն դեպքում, քաղաքականության մեջ ու կյանքում առհասարակ ոչինչ բացառել չի կարելի... Պահվածք ասելով՝ նկատի ունեմ, որ կուսակրոնության ուխտը խախտած հոգևորականները պետք է հեռանան եկեղեցուց ու վերջ, սրան այլընտրանք չի կարող լինել»: Ճշտող հարցին՝ եթե երկխոսություն, ապա միայն հեռացման մասին, պատասխանեց՝ այո: