Աշակերտներից դպրոց-տուն ճանապարհի երկարության տվյալներ են պահանջում

Վերջին օրերին համացանցում լուրեր են շրջանառվում, որ աշակերտներից դպրոցում անհասկանալի տեղեկություններ են պահանջում։ Համաձայն այդ լուրերի, Երևանի բոլոր դպրոցներում աշակերտներից պահանջում են չափել տնից դպրոց հեռավորությունը և ներկայացնել դասղեկներին։ Ասում են, որ այս գործողությունը կարգադրվել է Երևանի քաղաքապետարանից, որով նախապատրաստվում է 2026 ուստարուց արգելել երեխաների ընդունումն այլ համայնքների դպրոցներ։ Ասում են նաև, որ այս կերպ քաղաքապետարանը փորձելու է որոշակիորեն նվազեցնել երթևեկությունը քաղաքում, որը պետք է նպաստի խցանումների թեթևացմանը։