«Փաշինյանին քննադատելն ու ընդդիմադիր լինելն ուղիղ սպառնալիք է մարդու ազատությանը»․ Լիա Սարգսյան

Լրագրող Լիա Սարգսյանի ֆեյսբուքյան գրառումը․ «Նիկոլ Փաշինյանին քննադատելն ու ընդդիմադիր լինելն ուղիղ սպառնալիք է մարդու ազատությանը, անձնական կյանքի անձեռնմխելիությանը, ընտանիքի անվտանգությանը, արժանապատվությանը, պատվի ու բարի համբավի պաշտպանությանը, սեփականության իրավունքին, տնտեսական գործունեությանը, աշխատանքի ու մասնագիտական գործունեության ազատությանը, խոսքի և արտահայտվելու ազատությանը, քաղաքական իրավունքներին, ֆիզիկական ու հոգեբանական անձեռնմխելիությանը, առողջությանը:
Մտնում են մարդկանց տներ, ներխուժում անձնական ու ընտանեկան կյանք, խուզարկում, ձերբակալում, կալանավորում, բիզնեսները փակում, թիրախավորում ընտանիքի անդամներին, զրկում ազատությունից։
Իսկ ամենասարսափելին՝ կալանավորված քաղաքական գործիչները մահանում են բանտերում, ինչպես Արմեն Գրիգորյանը, Արսեն Գևորգյանը»։