«Նավասարդ Կճոյաններո՞վ եք պատրաստվում Եկեղեցին նորոգել». Աննա Գրիգորյանը՝ Նիկոլ Փաշինյանին

«Վերջին ամիսներին եկեղեցու դեմ իրականացվող արշավը դուք համարում եք նորոգում կամ մաքրում, վերջին օրերին հանդիպել եք եպիսկոպոսներին։ Թե ինչ պարագայում, ինչ բանակցությունների կամ կոմպրոմատների բերումով են նրանք հայտնվել կառավարությունում, միայն դուք գիտեք և այդ մարդիկ․․․ Բայց այդ եպիսկոպոսների մեջ կար մարդ, որի մասին դուք ասում եք, որ նա դեմ է քրիստոնեական արժեքներին, ՀԱԵ-ի էությանը․․․ Ասում եք՝ «Չհասկացա՝ հոգևորականը «Բենթլի» ունենա ու ոչ մեկին հաշվետվություն չտա՞․ դուք խելագա՞ր եք»․․․ Եվ այդ մարդու հետ դուք բանակցում էիք Եկեղեցու նորոգման շուրջ։ Արդյո՞ք Եկեղեցին պատրաստվում եք բարենորոգել հոգևոր արժեքներից հեռու մարդկանցով։ «Նավասարդ Կճոյաններո՞վ» եք պատրաստվում Եկեղեցին նորոգե՞լ»,- ԱԺ-կառավարություն հարցուպատասխանի ժամանակ, դիմելով վարչապետ Նիկոլ Փաշինյանին, այս հարցն ուղղեց «Հայաստան» խմբակցության պատգամավոր Աննա Գրիգորյանը։