«Դպրոցներում տարածված են միջանձնային հարաբերությունների հարցերը. անչափահասների տեսուչները թերացե՞լ են». Գառնիկ Դանիելյան

«Մեր դպրոցներում, կրթօջախներում վերջերս տարածված են միջանձնային հարաբերությունների հարցերը, տեսանյութեր հրապարակվեց, դրանից առաջ թմրանյութերի շրջանառության հետ կապված խնդիրներ կար Մխչյան գյուղում և այլ տեղերում. ժամանակին կային անչափահասների գծով տեսուչներ, հիմա խնդիրը ինչո՞ւմն է, թերացե՞լ են այդ գործի պատասխանատուները: Դուք հետևություններ արե՞լ եք, ի՞նչ քայլեր եք ձեռնարկում»,- ԱԺ նիստում, դիմելով ՆԳ փոխնախարար Արմեն Ղաքզարյանին, ասել է «Հայաստան» խմբակցության պատգամավոր Գառնիկ Դանիելյանը:

Ղազարյանը պատասխանել է. «Ներկայումս անչափահասների հետ աշխատանքի ֆունկցիոնալը չի անհետացել, այն համայնքային ոստիկանության գործունեության տիրույթում է: Յուրաքանչյուր դեպքով արվում են հետևություններ, ձեռնարկվում են քայլեր: Մենք շարունակաբար աշխատանքներ ենք տանում կրթական հաստատությունների հետ, որպեսզի դեպքերը քչանան»:

Դանիելյանն արձագանքել է, որ «ամեն դեպքում այս հարցում հսկայական անելիքներ կան, իսկ եղած գործիքակազմը բավարար չէ»: