«ՌԴ-ի և Իրանի միջև հարաբերությունները համակողմանի են և ներառում են համագործակցության բոլոր ոլորտները». Արաղչի

Իրանի արտգործնախարար Աբբաս Արաղչին ժամանել է Մոսկվա, վաղը նա բանակցություններ կվարի Սերգեյ Լավրովի հետ: Թեհրանից և Մոսկվայից ստացված հաղորդագրությունների համաձայն՝ իրանցի նախարարի օրակարգում են Իրանի միջուկային ծրագրի շուրջ ստեղծված իրավիճակը, երկկողմ հարաբերությունները և պաշտպանական համագործակցությունը։

Իրանի արտաքին գործերի նախարար Աբբաս Արաղչին Ռուսաստանի հետ հարաբերությունները բնութագրել է որպես համապարփակ՝ նշելով, որ Թեհրանի և Մոսկվայի միջև համագործակցությունը ներառում է բոլոր ոլորտները։
«Ռուսաստանի և Իրանի միջև հարաբերությունները համակողմանի են և ներառում են համագործակցության բոլոր ոլորտները», - ասել է նա Պետդումայի միջազգային հարաբերությունների հանձնաժողովի հետ հանդիպման ժամանակ։
Դիվանագետը նաև նշել է, որ Ռուսաստանը և Իրանը զարգացնում են նաև միջխորհրդարանական համագործակցությունը։