«Հիմա էլ եղբայրը եղբոր համա՞ր է պատասխանատու, հա՞»․ Սերժ Սարգսյան

Լրագրողների հետ ճեպազրույցում արձագանքելով Civic-ի հրապարակմանը, ըստ որի՝ «ՀՀ ազգային անվտանգության ծառայությունում առկա տվյալների համաձայն՝ Եզրաս արքեպիսկոպոս Ներսիսյանը 1986-1988թթ. համագործակցել է ԽՍՀՄ պետական անվտանգության կոմիտեի հետ», ՀՀ երրորդ նախագահ Սերժ Սարգսյանն ասել է, որ ինքն այդպիսի տվյալներ չունի, այդպիսի ինֆորմացիայի չի ծանոթացել իր պաշտոնավարման ժամանակ․ «Իմ նախկին ծառայակիցները կարող են հավաստել՝ ես երբեք էդպիսի հարցերով չեմ հետաքրքրվել, թե ով է համագործակցում Ազգային անվտանգության ծառայության հետ, առավել ևս՝ ով է համագործակցել ԽՍՀՄ ՊԱԿ-ի կամ այլ ծառայությունների հետ, որովհետև ես դրա իմաստը չեմ տեսնում։ Արդյո՞ք գիտեն՝ որ ուղղությամբ է համագործակցել․ ԽՍՀՄ-ին, որի կազմում նաև Հայաստանն էր, օգո՞ւտ է բերել, թե՞ վնաս․․․ Խոսքը վերաբերում է Ամենայն հայոց կաթողիկոսի եղբորը, այսինքն՝ ի՞նչ է, հիմա էլ եղբայրը եղբոր համա՞ր է պատասխանտու, հա՞, եթե իհարկե դա իրականություն է»,- նշել է Սարգսյանը։