«Բարձրագույն կրթության ոլորտում այսօր լրջագույն խնդիրներ կան». Մեսրոպ Առաքելյան

«Ապրելու երկիր» կուսակցության համահիմնադիր Մեսրոպ Առաքելյանի ֆեյսբուքյան գրառումը. «Բարձրագույն կրթության ոլորտում այսօր լրջագույն խնդիրներ կան․ ուսանողները բախվում են բազմաթիվ դժվարությունների, իսկ մասնագիտական կրթությունը հաճախ մնում է երկրորդ պլանում։
Հայաստանում կրթությունը ոչ միայն թանկ է, այլև շատ դեպքերում՝ անհասանելի, հատկապես սոցիալական խոցելի խավերի և հեռավոր բնակավայրերի ուսանողների համար։
Սրանք խնդիրներ են, որոնք պետք է լուծել։ Եվ մենք չենք սահմանափակվում միայն դրանք մատնանշելով․ առաջարկում ենք լուծման մեր տարբերակը»։