«Եկեղեցու դեմ պայքարը թելադրված է 2 կենտրոնից՝ թուրք-ադրբեջանական ու գլոբալիստական»․ Դերենիկ Մալխասյան

«Մայր Հայաստան» կուսակցության անդամ Դերենիկ Մալխասյանի ֆեյսբուքյան գրառումը․ «Սա Ուկրաինայի նախագահ Զելենսկու ինֆորմացիոն կանալիզացիաներից մեկն է, Նիկոլի «Սիվիկ»-ի նման մի քարոզչամեքենա։ Սրանք տարածում են, թե Նիկոլի կազմակերպած երթին մասնակցել են իբր տասնյակ հազարավոր մարդիկ։ Ու այնքան անպատկառ են, որ Ամենայն Հայոց Կաթողիկոս Գարեգին Բ-ին հիշատակում են նիկոլական բառաբաշարով։ Մի քանի անգամ գրել եմ, որ եկեղեցու դեմ պայքարը մեր դեպքում թելադրված է երկու կենտրոնից՝ թուրք-ադրբեջանական ու գլոբալիստական։ Վերջիններս նույն պատվերը իջացրել են Զելենսկուն, որը այլանդակ մեթոդներով կազմաքանդում է Ուկրաինական ուղղափառ եկեղեցին։ Քանի որ Զելենսկին ու Փաշինյան Նիկոլը նույն քաղաքականությունն են վարում, հետևաբար տրամաբանական է, որ Զելենսկու քարոզչական գործիքները օգնության հասնեն Նիկոլին»։