Ուրսուլա ֆոն դեր Լեյենն անդրադարձել է Զելենսկու` ժամկետներ նշելու պահանջին

Ուկրաինական «Ստրանա» հրատարակության փոխանցմամբ՝ ի պատասխան Վլադիմիր Զելենսկու՝ ԵՄ-ին Ուկրաինայի անդամակցության ամսաթիվ նշանակելու պահանջի՝ Եվրոպական հանձնաժողովի նախագահ Ուրսուլա ֆոն դեր Լեյենը հրաժարվել է կոնկրետ ժամկետ նշել։
«Ես հիանալի հասկանում եմ, որ կոնկրետ ամսաթիվը բացարձակապես կարևոր է ձեզ համար։ Այսօր դուք ասացիք, որ կա կոնկրետ նշաձող, որին կցանկանայիք հասնել։ Մեր կողմից դեռևս անհնար է ամսաթիվ նշանակել»,- ասել է նա Կիևում կայացած մամուլի ասուլիսի ժամանակ։ Սակայն ֆոն դեր Լեյենը նշել է, որ ԵՄ-ն օգնություն կցուցաբերի Ուկրաինային։
Նախորդ օրը Զելենսկին Financial Times-ին տված հարցազրույցում կոչ էր արել ԵՄ-ին դադարեցնել տատանումները և սահմանել Ուկրաինայի անդամակցության ամսաթիվ՝ նշելով, որ դա պետք է տեղի ունենա արդեն 2027 թվականին։