«Ի՞նչ ա նշանակում՝ «եկեք տղավարի էս հարցը լուծենք»». Նիկոլ Փաշինյան

«Մեր միջավայրում, երկրում նենց են խոսում... համոզված եմ, հիմա ասածս նեգատիվ ընկալում է ունենալու շատերի շրջանում: Տղայականության մասին այնպիսի մակարդակներում են խոսում, որ ասում ես՝ ի՞նչ նկատի ունեն, էլի: Տղայականությունը մեր հանրային բարոյականության կարևոր մաս է, բայց դա քրեական ենթամշակույթի մտածողություն է»,- «Դատական գործերի քննության ողջամիտ ժամկետների պահպանման գործնական կամ ընթացակարգային խոչընդոտները» թեմայով պանելային քննարկման ժամանակ ասաց վարչապետ Նիկոլ Փաշինյանը՝ հավելելով. ««Եկեք տղավարի էս հարցը...» էդ ի՞նչ ա նշանակում, ուզում եմ հասկանամ: Դա ցանկացած մեկնաբանություն ունի, բայց կապ չունի օրինականության, իրավակարգի, սահմանադրականության հետ: Որովհետև եթե դրա հետ կապ ունենար, կասեինք՝ եկեք սահմանադրավարի էս հարցը լուծենք»: