Չորեքշաբթի, 11 մարտի, 2026 թ.
|
Ստեփանակերտում`   -2 °C

«Կշարունակենք ամեն ինչ անել մեզ համար եղբայրական երկրի բոլոր մտահոգությունները փարատելու ուղղությամբ». Նիկոլ Փաշինյան

«Կշարունակենք ամեն ինչ անել մեզ համար եղբայրական երկրի բոլոր մտահոգությունները փարատելու ուղղությամբ». Նիկոլ Փաշինյան
346
Հինգշաբթի, 15 հունվարի, 2026 թ., 15:18

«Իրանից հնչող հայտարարությունների նկատմամբ մենք շատ ուշադիր ենք և ամեն ինչ արել ենք ու կշարունակենք անել Իրանի Իսլամական Հանրապետության՝ մեզ համար բարեկամական և եղբայրական երկրի բոլոր մտահոգությունները փարատելու ուղղությամբ»,- ճեպազրույցի ժամանակ ասել է վարչապետ Նիկոլ Փաշինյանը՝ անդրադառնալով ՀՀ-ում Իրանի դեսպանի հայտարարություններին:

«Իրանի նախագահը օգոստոսին այց ունեցավ: Մենք շատ հանգամանալիս, երկար, մանրամասն զրույց ենք ունեցել TRIPP- վերաբերյալ: Ես կարծում եմ, որ մենք բոլոր հարցերի պատասխանները տվել ենք, բայց մենք նաև ասել ենք, որ հետագայում հարցեր ծագելու դեպքում մենք պատրաստ ենք բոլոր հարցերին պատասխանել, եթե հրապարակված տեքստից հետո այլ հարցեր նույնպես ծագում են և անընդհատ կապի մեջ ենք»,- նշել է վարչապետը:

Փաշինյանն ընդգծել է, որ Հայաստանի Հանրապետությունը բանակցային գործընթացների ընթացքում հաշվի է առնում իր միջազգային գործընկերների կարծիքներն ու մտահոգությունները և ձգտում է հասնել հնարավորինս հավասարակշռված լուծումների։

«Կշարունակենք ամեն ինչ անել մեզ համար բարեկամական և եղբայրական երկրի բոլոր մտահոգությունները փարատելու ուղղությամբ». Նիկոլ Փաշինյան