«Զինվորականները խորտակել են իրանական նավերը, որովհետև դա ավելի զվարճալի է». Թրամփ

Իրանի դեմ գործողությանը մասնակցած ԱՄՆ զինվորականները նախագահ Դոնալդ Թրամփին պատմել են, որ իրենք իրանական նավերը խորտակել են զվարճանքի համար։ Ամերիկացի առաջնորդը զինվորականների խոսքերը հնչեցրել է Ֆլորիդայում հանրապետականների հետ հանդիպման ժամանակ։

«Ես հարցրեցի իմ մարդկանց՝ ի՞նչ տեսակի նավ էր դա։ Առաջին դասի՞ նավ էր։ Ինչո՞ւ մենք այն չգրավեցինք մեր սեփական օգտագործման համար։ Ինչո՞ւ այն խորտակեցինք։ Նրանք ասացին, որ ավելի զվարճալի է խորտակելը։ Հենց դա էլ ասացին։ Նրանք նաև ասացին, որ այդպես ավելի անվտանգ է։ Եվ գուցե՝ դա ճիշտ է», - ասաց Թրամփը՝ չնշելով, թե որ զինվորական հրամանատարներն են նրան տվել այս պատասխանը։

Ըստ ԱՄՆ նախագահի՝ ԱՄՆ զինվորականները խորտակել են իրանական 51 նավ։ «Նրանց նավատորմը վերացել է», - եզրափակեց Թրամփը։