Նիդերլանդներում գինեկոլոգը գաղտնի կերպով դարձել է առնվազն 16 երեխայի հայր

1023

Երեքշաբթի, 10 մարտի, 2026 թ., 20:48

Նիդերլանդներում մի գինեկոլոգ գաղտնի կերպով օգտագործել է իր սեփական սերմնահեղուկը դոնորական սերմնահեղուկի փոխարեն, արհեստական սերմնավորման միջոցով բուժառուներին հղիացնելու համար, ասվում է Արնհեմի քաղաքային հիվանդանոցի կայքում տեղադրված հաղորդագրության մեջ։

Կլինիկան անկախ հետաքննություն է անցկացրել 2024 թվականի վերջին, այն բանից հետո, երբ թոշակի անցած գինեկոլոգը խոստովանել է, որ 1970-ական և 1980-ական թվականներին դոնորական սերմը փոխարինել է իր սեփականով առանց ծնողների իմացության։ Հաստատվել է, որ նա 16 երեխայի հայր է։

Պարզվել է նաև, որ բժիշկը ժառանգական գենետիկ խանգարում ունի։ Հետևաբար, հիվանդանոցը խորհուրդ է տվել, որ նրա ապագա երեխաները անցնեն ԴՆԹ թեստ։ Կլինիկան նշել է, որ մինչև 1990-ական թվականները չեն եղել օրենքներ կամ կանոնակարգեր, որոնք կարգավորում են հղիանալու համար օգտագործվող բժշկական մեթոդները։ Այնուամենայնիվ, կային բժիշկների համար մասնագիտական ուղեցույցներ և էթիկայի կանոններ, որոնք գինեկոլոգը խախտել է։

Հիվանդանոցի ղեկավարությունը գինեկոլոգի գործողություններն անընդունելի է անվանել՝ հավելելով, որ յուրաքանչյուր երեխա իրավունք ունի իմանալու իր ծագումը, և հիվանդները պետք է կարողանան վստահել իրենց բժշկին։ «Այս իրավիճակում շատ բան սխալ է ընթացել։ Մենք խորապես ցավում ենք տեղի ունեցածի համար», - ասել է կլինիկայի տնօրեն Հանս Շուն։