Ուրբաթ, 13 փետրվարի, 2026 թ.
|
Ստեփանակերտում`   +13 °C

«Առողջության ապահովագրությունը մի կոճակ չէ, որ սեղմենք, և 100%-ով աշխատի»․ Անահիտ Ավանեսյան

«Առողջության ապահովագրությունը մի կոճակ չէ, որ սեղմենք, և 100%-ով աշխատի»․ Անահիտ Ավանեսյան
318
Հինգշաբթի, 15 հունվարի, 2026 թ., 15:42

«Ոչ ոք չէր ակնկալում, որ առողջության ապահովագրության բարեփոխումը մի կոճակ է, որ պիտի սեղմենք, և 100%-ով ամեն ինչ բոլոր օղակներում վայրկյանի ճշգրտությամբ կաշխատի»,- այս մասին այսօր կառավարության նիստից հետո լրագրողների հետ ճեպազրույցում նշեց առողջապահության նախարար Անահիտ Ավանեսյանը՝ անդրադառնալով ապահովագրության համակարգի ներդրման գործընթացին։

«Մենք առաջնորդվում ենք հետևյալ կարգախոսով և աշխատանքի սկզբունքով, որ սա շատ ահռելի մեծ բարեփոխում է, իր մեջ ներառում է 1 մլն 600 հազար հոգի, բուժաշխատողների մի մեծ շրջանակ, և այո, կան փոքր տեխնիկական խնդիրներ, որոնք ընթացքում են շտկվում»։