«Եթե հրապարակային աջակցում են այս կամ այն ուժին, դեռ չի նշանակում՝ ուզում են, որ ինքն ընտրվի»․ Դանիել Իոաննիսյան

«Իրազեկ քաղաքացիների միավորում» ՀԿ համակարգող Դանիել Իոաննիսյանի ֆեյսբուքյան գրառումը․ «Թուրքիայի ԱԳ նախարար Հաքան Ֆիդանը չի ասել, որ Հայաստանի ընտրություններում աջակցում է Նիկոլ Փաշինյանին (որքան ուզում եք՝ գոռացեք, էտ մարդը տենց բան չի ասել)։
Բայց ես կուզենամ առիթն օգտագործեմ և քաղաքական գործիչներին մի բան բացատրեմ։
Հայաստանի հասարակության կողմից թշնամաբար ընկալվող երկրների բարձրաստիճան ներկայացուցիչները եթե հրապարակային աջակցեն այս կամ այն ուժին/անձին, դա դեռ չի նշանակում, որ ուզում են, որ ինքը ընտրվի, քանի որ, միգուցե, հատուկ են անում, որ ռեյտինգը ընկնի։
Օրինակ, եթե վաղը ՌԴ ԱԳ նախարար Սերգեյ Լավրովը հրապարակային ասի, որ աջակցում է, ասենք, Մեր Ձևովին կամ Քոչարյանին, դա ինձ շատ կզարմացնի, քանի Լավրովը հասկանում է, որ ուղիղ տենց բան ասելով միայն վնասելու է Մեր Ձևովին կամ Քոչարյանին։
Իսկ մնացածին ասեմ՝ մեր ընտրությունները մեր գործն է, մեր որոշելիքն է: Հաքան Ֆիդանը, Սերգեյ Լավրովը կամ Սերգեյ Կիրիենկոն (որի խառնվելու մասին փաստերը լիքն են) անելիք չունեն»: