Ուրբաթ, 16 հունվարի, 2026 թ.
|
Ստեփանակերտում`   -1 °C

«Իշխանությունները TRIPP-ը համարում են մեծագույն հաջողություն, ընդդիմությունը՝ հերթական ձախողում»․ Թաթուլ Հակոբյան

«Իշխանությունները TRIPP-ը համարում են մեծագույն հաջողություն, ընդդիմությունը՝ հերթական ձախողում»․ Թաթուլ Հակոբյան
82
Այսօր, 09:42

Լրագրող Թաթուլ Հակոբյանի ֆեյսբուքյան գրառումը. «Երկկողմ, բազմակողմ և միջազգային փաստաթղթերը սովորաբար լինում են կոնսենսունսային և արտահայտում են գետնի վրա ստեղծված ուժերի հարաբերակցությունը:
Օրինակ, 2020 թվականի նոյեմբերի 9-ի հայտարարությունը, որ մեր ընդդիմությունը, ցավոք, պիտակեց կապիտուլյացիա (թե ինչու է այսօր ձգտում այդ նույն փաստաթղթին վերադառնալ, այլ պատմություն է), արտահայտում էր գետնի վրա իրերի վիճակը՝ Ադրբեջանի հաղթանակը, մեր պարտությունը, Ռուսաստանի ծրագրերը...
Այդ փաստաթուղթը չէր կարելի անվանելը լավը կամ վատը: Դա այն հնարավորն էր, որ Հայաստանը ստացավ սարսափելի պարտությունից հետո:
Ընդհանրապես, եթե որևէ մեկը փաստաթուղթը համարում է շատ լավը կամ շատ վատը, այդ մարդը դիվանագիտության և դիվանագիտությունը ամբողջությամբ ընկալելու խնդիր ունի:
Քարոզչությունը չպետք է խառնել դիվանագիտության հետ:
Իսկ TRIPP-ը լավը չէ՞:
Կրկնեմ, լավի ու վատի խնդիր չէ, այլ հնարավորի:
Իսկ TRIPP-ը հնարավորն է՞ր: Այո, դա հնարավորն էր և պետք չէ այդ փաստաթուղթը քարկոծել, ինչպես մեր ընդդիմությունը քարկոծեց 2020-ի նոյեմբերյան տեքստը և նույնն անում է այսօր:
Դուք կրկին քարկոծում եք մի բան, որին վերադառնալու ցանկություն եք ունենալու 2033-ին:
Պետք չէ նաև չգնահատել կատարված աշխատանքը: Այդ փաստաթղթի վրա աշխատանք է կատարվել և շատ կարևոր է, որ այն կյանքի կոչվի:
Շատ ցավալի է, որ իշխանությունները TRIPP-ը համարում են մեծագույն հաջողություն, ընդդիմությունը՝ հերթական ձախողում, և այս քարոզչական ու հակաքարոզչական ղալմաղալի մեջ հնարավոր չէ նստել սեղանի շուրջ և քննարկել այն:
Առաջիկա շաբաթներին սպասվում է ԱՄՆ փոխնախագահի այցը Հայաստան, որով կդրվի TRIPP-ի հիմնարկեքը:
Ինչպես ասում են, չպետք է մոմենտումը բաց թողնել»:

Աղբյուրը`   Թաթուլ Հակոբյան