Ընթանում են Պուտինի և Ալ Շարաայի բանակցությունները

Ռուսաստանի նախագահ Վլադիմիր Պուտինը Կրեմլում հանդիպել է Սիրիայի առաջնորդ Ահմեդ Ալ-Շարաայի հետ, որը Մոսկվայում է աշխատանքային այցով: Երկու առաջնորդները փոխանակվել են ամուր ձեռքսեղմումով:
Երկկողմ հանդիպումից հետո Պուտինը և Ալ-Շարաան կշարունակեն իրենց բանակցություններն ավելի ուշ՝ աշխատանքային նախաճաշի շուրջ: Օրակարգում կլինեն Ռուսաստան-Սիրիա հարաբերությունները, ինչպես նաև Մերձավոր Արևելքում տիրող իրավիճակը:

Երկու առաջնորդների միջև նախորդ հանդիպումը տեղի է ունեցել Կրեմլի Մեծ պալատի կանաչ սենյակում ավելի քան երեք ամիս առաջ, երբ Ալ-Շարաան առաջին անգամ այցելել էր Մոսկվա Դամասկոսում իշխանության գալուց հետո: Այդ ժամանակ Ռուսաստանի և Սիրիայի առաջնորդները զրուցել են մոտ երկուսուկես ժամ: