«Թող խոսեն գիտության, երկրի, ամեն ինչի կործանման մասին, դա պոպուլյար թեմա է, բայց փաստն ուրիշ բանի մասին է»․ Նիկոլ Փաշինյան

«Մեր դիտարկումներով ու տպավորություններով գիտության ոլորտում տրամադրություն ու մթնոլորտ է փոխվել, դա ակնհայտ է․․․ Մինչև կառավարության ծրագրի իրականացումը խոսում էին գիտության ոլորտի կործանման մասին, հիմա մենք խոսում ենք գիտության ոլորտի զարգացման նոր փուլի մասին»- այս մասին այսօր Կառավարության նիստում նշեց ԿԳՄՍ նախարար Ժաննա Անդրեասյանը։

Վարչապետ Նիկոլ Փաշինյանն արձագանքեց․

«Կործանման մասին խոսում են բոլորը, նոր փուլի մասին խոսում ենք մենք։ Ես խնդիր չունեմ, թող խոսեն կործանման մասին՝ գիտության, երկրի, ամեն ինչի կործանման մասին, որովհետև դա շատ պոպուլյար թեմա է, բայց փաստը ուրիշ բանի մասին է և, այո, մենք պետք է խոսենք այդ մասին, որովհետև սա մեր աշխատանքն է, և մեր աշխատանքի արդյունքն է»։