«Մինչև հիմա զենքի վրա երդվելը խանգարում է ձեզ առաջ նայելու». Անդրանիկ Քոչարյան

«Երբ որ պետականություն չունեինք, արդարացված էին որոշ զարգացումներ, բայց երբ որ ունեինք պետականություն, ինձ հետաքրքրեց՝ երբ 1918-1920 թվականներին Դաշնակցությունը իշխանություն էր, զենքի վրա երդվելը դեռ մնացե՞լ էր, թե՞ չէ: Եթե մինչև հիմա շարունակում եք զենքի վրա երդվելը, դա խանգարում է ձեզ առաջ նայելու»,- ԱԺ-ում՝ դիմելով դաշնակցական ընդդիմադիր պատգամավորներին, ասել է ՔՊ պատգամավոր Անդրանիկ Քոչարյանը: Նա նշել է, որ Գեղամ Մանուկյանից հետաքրքրվել է, թե զենքի վրա երդվելու ավանդույթը ո՞ր թվին է դրվել և ինչո՞ւ է շարունակվում: «Դա, ըստ էության, իրենց խանգարում է: Հակոբ Մովսեսը երբ որ դա հիշատակել է, դա իրենք պետք է վերցնեին և իրենց ապագա քաղաքական օրակարգը ձևավորելուց պետք է կարողանան այդ խնդիրների առնչությունից իրենց դուրս դնեն»,- հավելել է նա: