Մասկը, Բեզոսը և Գեյթսը գլխավորել են Forbes-ի վարկածով ԱՄՆ-ի մեծագույն նորարարների ցանկը

Գործարարներ Իլոն Մասկը, Ջեֆ Բեզոսը և Բիլ Գեյթսը ճանաչվել են Միացյալ Նահանգների մեծագույն ժամանակակից նորարարներ՝ ըստ Forbes ամսագրի կողմից կազմված Միացյալ Նահանգների 250 մեծագույն նորարարների ցանկի։

Առաջին տեղը զբաղեցրել է Իլոն Մասկը, ով պատմության մեջ միակ մարդն է, որ հիմնադրել կամ զարգացրել է տարբեր ոլորտներում գործող հինգ ընկերություն (Tesla, SpaceX, Neuralink, xAI, The Boring Company), որոնցից յուրաքանչյուրը գնահատվել է բազմամիլիարդ դոլար արժեքով, նշվում է հոդվածում։

Երկրորդ տեղում է հայտնվել Ջեֆ Բեզոսը՝ իր ընկերություններով. Amazon առցանց մանրածախ առևտրով զբաղվող ընկերությունը, Amazon Web Services ամպային հաշվարկների ընկերությունը, Blue Origin ավիատիեզերական ընկերությունը և Prometheus արհեստական ​​բանականության ստարտափը։ Երրորդ տեղում է հայտնվել Microsoft-ի հիմնադիր Բիլ Գեյթսը։

Վարկանիշային աղյուսակում ներառվել են նաև «Աստղային պատերազմներ» ֆիլմերի ռեժիսոր Ջորջ Լուկասը (չորրորդ տեղ) և Nvidia ընկերության գործադիր տնօրեն Ջենսեն Հուանգը (հինգերորդ տեղ)։ OpenAI տեխնոլոգիական ընկերության գործադիր տնօրեն, ChatGPT չաթբոտի մշակող Սեմ Ալտմանը զբաղեցրել է վեցերորդ տեղը։