«Ինձ վաղուց չի զարմացնում կլյուչնիկի քամելեոնական «տաղանդը»»․ Լիզա Ճաղարյան

Լրագրող Լիզա Ճաղարյանի ֆեյսբուքյան գրառումը․ «Մարտի 1-ի գործով քրեական գործ են հարուցել Բազազի ու Օսիպովի դեմ։ Հրաման կատարելու համար։
Եթե հիշողությունս չի դավաճանում, իսկ իմ հիշողությունը, բարեբախտաբար, դեռ ինձ չի դավաճանում, ներկայիս գլխավոր կլյուչնիկն այս նույն Օսիպովին Հայաստանի ոստիկանապետ նշանակեց, ու շոկային վիճակի մեջ հայտնված Մարտի 1-ից առաջ ու Մարտի 1-ից հետո տարիներով այս վերոնշյալների վայրենությունները մինչև կոկորդներս ըմբոշխնածներիս բացատրում էր, որ Օսիպովը Ըսկի՛ մեղավոր չի, ընդամենը հրաման է կատարել։
Հիմա պարզվում է՝ չպիտի կատարեր հրամանները։
Չէ, ինձ վաղուց չի զարմացնում կլյուչնիկի քամելեոնական «տաղանդը»։
Պարզապես զգուշացնում եմ ներկայիս դատաիրավական համակարգի ստրուկներին, որոնք կուրորեն կատարում են կլյուչնիկի աղաղակող ապօրինի հրամանները։ Վաղը եթե իրեն պետք չլինեք, ձեզ էլ է դատելու։
Առանց աչքը ճպելու»։