«Խոշտանգման դեպքերը համակարգում բացառիկ են և արձագանք են ունենում»․ Արփինե Սարգսյան

«Խոշտանգման դեպքերը բացառիկ են համակարգում, ընդ որում սա ասում եմ՝ հենվելով փաստական տվյալների վրա։ Առերևույթ խոշտանգման կամ վատ վերաբերմունքի այլ դրսևորումները չեն տեղավորվում նախարարության ռեֆորմային օրակարգում, իսկ եթե լինում են, մենք արձագանքում ենք՝ անկախ նրանից կա արտահոսք, թե ոչ»,- ասուլիսի ժամանակ ասաց ՆԳ նախարար Արփինե Սարգսյանը՝ անդրադառնալով օրերս համացանցում տարածված ոստիկանության ծառայողի կողմից քաղաքացուն խոշտանգելու տեսանյութին։ «Ինչ պիտի աներ պետությունը կոնկրետ այս դեպքում․ հաղորդում պետք է ուղարկվեր իրավապահ համակարգ՝ ուղարկվել է, պիտի նախաձեռնվեր քրեական վարույթ՝ նախաձեռնվել է, եթե տվյալները բավարար են՝ պիտի հանրային քրեական հետապնդում հարուցվեր և անձը ներգրավվեր որպես մեղադրյալ՝ մեր աշխպատակիցը ներգարվվել է որպես մեղադրյալ, իմ լիազորության շրջանակներում հնարավորություն ունեի կասեցնելու ծառայողի լիազրությունները՝ կասեցրել եմ, վարույթի շրջանակներում կարող է կիրառվեր խափանման միջոց և կիրառվել է խափանման միջոցը։ Վարույթն ընթացք կունենա և բոլորս կտեսնենք»,- հավելել է նախարարը։