«Ձեր մեղավորությունը կամ թերացումն ընդունո՞ւմ եք Վոլոդյա Գրիգորյանի սպանության հետ կապված»․ լրագրողը՝ Արփինե Սարգսյանին

«Դուք ձեր մեղավորությունը կամ թերացումն ընդունո՞ւմ եք Վոլոդյա Գրիգորյանի սպանության հետ կապված, որից առաջ պարբերաբար հայտարարվել էր, որ ոստիկանությունը հսկողություն է իրականացնում Փարաքարում, մասնավորապես Մերձավանում, իսկ սպանությանը նախորդել է, որ մեղադրվողներից մեկը կրակել սովորել է գերեզմանատան տարածքում։ Ինչպե՞ս են ծառայությունն իրականացրել ոստիկանները, որ չեն լսել կրակոցի ձայներ»,- ասուլիսի ժամանակ լրագրողը հարց ուղղեց Ներքին գործերի նախարար Արփինե Սարգսյանին։ «ՆԳ նախարարը ոստիկանության ծառայող չի հանդիսանում և ուղիղ հսկողություն չի ապահովում։ Ոչ համայնքային ոստիկան եմ, ոչ քրեական ոստիկան, ոչ էլ իրավապահ այլ մարմնի կոնկրետ լիազորություններով օժտված անձ, ես քաղաքական պաշտոն զբաղեցնող անձ եմ և քաղաքական պատասխանատվություն ունեմ նախարարության մանդատի շրջանակներում առկա պրոցեսների համար»,- պատասխանեց Արփինե Սարգսյանը։ «Գործի հետ կապված ունենք նախաձեռնած քրեական վարույթ և ոստիկանությունը ջանք չի խնայել՝ ապահովելու համար սպանության դեպքի բացահայտումը»,- հավելեց նախարարը։