«Հայ ազգի նոր Ավարայրի ճակատամարտն է». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Հայ ազգի նոր Ավարայրի ճակատամարտն է, սակայն շատերը դա չեն հասկանում
Նիկոլ Փաշինյանն ու թավշիստ քայլողները սպասարկում են դրսի օրակարգ։ Նրանց 2018-ին քաղաքական թատրոն-կեղծ հեղափոխությամբ իշխանության են բերել դրսի շահերը սպասարկելու համար, ինչն էլ նրանք գերազանց կատարել են։ Հայաստանի սահմանամերձ տարածքները Ադրբեջանի զինուժի կողմից օկուպացված են, սակայն բարեփոխումների անվան տակ պարտադիր զինծառայության ժամկետն են կրճատել, ժողովրդին մոլորեցնում են, թե սահմանագոտում կառուցված ամրացված, կրակային կենտրոններն ապահովում են Հայաստանի անվտանգությունը։ Հրաժարվել են Արցախից, մեր հերոսամարտերից, սրբազան Արարատ լեռից, հայ ժողովրդի պատմությունից՝ դրա փոխարեն ներկայացնելով «Իրական Հայաստան», որը կապիտուլացված Հայաստանն է։ Հայության ոգու հզոր բաստիոնը Հայ առաքելական եկեղեցին է, որը դրսի կենտրոնների հրահանգով, Ալլահշուքյուր Փաշազադեի տված ազդանշանով փորձում են քանդել։ Սա հայ ազգի նոր Ավարայրի ճակատամարտն է, սակայն շատերը դա չեն հասկանում։ Այս ճակատամարտում մենք իրավունք չունենք պարտվելու, չենք պարտվելու, հաղթելու ենք»: