Մարկո Ռուբիոն Բուդապեշտում կբանակցի Ուկրաինայի հակամարտության կարգավորման շուրջ

ԱՄՆ-ի պետքարտուղար Մարկո Ռուբիոյի՝ Բուդապեշտում կայանալիք բանակցությունները կկենտրոնանան Ուկրաինայի հակամարտության կարգավորման վրա, հայտարարել է Հունգարիայի արտաքին գործերի նախարար Փեթեր Սիյարտոն։

Սիյարտոն նախկինում հայտարարել էր, որ Ռուբիոն երկուշաբթի օրը կայցելի Բուդապեշտ։

«Բանակցությունները կկենտրոնանան երկու կարևոր թեմաների շուրջ։ Առաջինը (Ուկրաինայում - խմբ.) խաղաղություն հաստատելու հնարավորությունն է... Եվրոպացիներն անընդհատ փորձում են խաթարել ԱՄՆ-ի նախագահի խաղաղություն հաստատելու ջանքերը։ Մյուս կողմից, Հունգարիան աշխատում է խաղաղության ուղղությամբ և ձգտում է մեր երկիրը պատերազմից հեռու պահել», - ասել է Սիյարտոն «Ռադիո Կոշութ»-ի եթերում։

Նրա խոսքով, քննարկման մեկ այլ կարևոր թեմա կլինեն հունգարա-ամերիկյան հարաբերությունները, որոնք վերելք են ապրել Թրամփի՝ ԱՄՆ-ում իշխանության գալուց ի վեր։