«Պետբյուջեից ճոխ պարգևատրվելուց չեն կշտանում». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Պետբյուջեից ճոխ պարգևատրվելուց չեն կշտանում
Տավուշի մարզպետ Հայկ Ղալումյանին տեղեկատվական հարցում եմ կատարել թե 2025թվականին պետական բյուջեից որքա՞ն պարգևավճար են ստացել Տավուշի մարզպետի աշխատակազմի պաշտոնյաները, պետբյուջեից որքա՞ն դրամական աջակցություն են ստացել Տավուշի մարզի սոցիալապես անապահով բնակիչները։ Մարզպետի աշխատակազմից պատասախանել են․ «Հայաստանի Հանրապետության 2025 թվականի պետական բյուջեով՝ Հայաստանի Հանրապետության Տավուշի մարզպետի աշխատակազմի բյուջետային ծախսերի տնտեսագիտական դասակարգման «Այլ նպաստներ բյուջեից» հոդվածով նախատեսվել է 67 մլն 547 հազ. դրամ ֆինանսական միջոցներ։ Մարզպետի աշխատակազմում դրամական օգնության համար ստացվել է 1581 դիմում։ Պետական բյուջեով նախատեսված դրամական միջոցները ամբողջությամբ ծախսվել է։ Գումարների վճարումը կատարվել է կանխիկ՝ բանկային համակարգի միջոցով։ 2025 թվականի դեկտեմբերի 29-ի դրությամբ ՀՀ Տավուշի մարզպետի աշխատակազմի աշխատակիցները ստացել են 65 միլիոն 893 հազար 600 դրամ պարգևավճար»: Հունվարի 29-ին մարզպետին նոր հարցում եմ արել՝ 2026 թվականի պետբյուջեով որքա՞ն գումար է նախատեսված Տավուշի մարզպետի աշխատակազմին պարգևատրելու, որքա՞ն գումար՝ Տավուշի մարզի սոցիալապես անապահով բնակիչների դրամական աջակցության համար։ Մարզպետարանից պատասխանել են․ «ՀՀ 2026թ․ պետական բյուջեով աշխատակազմի համար նախատեսվել է պարգևատրման ֆոնդ՝ 65․883․4 հազար և սոցիալիական աջակցության համար՝ 59․883․8 հազար ՀՀ դրամ»։ Ի՞նչ է ստացվում, Տավուշի մարզպետն ու մարզպետարանի 66 աշխատակիցները, ովքեր համեմատաբար բարձր աշխատավարձ են ստանում, այս տարի պետական բյուջեից կստանան 6 միլիոն դրամով ավելի պարգևավճար, քան ամբողջ Տավուշի մարզի սոցիալապես անապահով բնակիչները՝ պետական բյուջեից դրամական աջակցություն»: