«Արագածոտնի թեմի գլխավոր հաշվապահ Նաիրա Ալավերդյանը ազատվեց տնային կալանքից»․ Արմինե Ֆանյան

Փաստաբան Արմինե Ֆանյանը ֆեյսբուքյան իր էջում գրում է․ «Երևան քաղաքի ընդհանուր իրավասության քրեական դատարանը, դատավոր Մ.Շահվերդյանի նախագահությամբ այսօր որոշում է կայացրել Արագածոտնի թեմի գլխավոր հաշվապահ Նաիրա Ալավերդյանի նկատմամբ տնային կալանքի ժամկետը երկարացնելու վերաբերյալ քննիչ Նազելի Սարգսյանի միջնորդությունը մերժելու մասին:
Դատարանն արձանագրել է, որ բացակայում է Նաիրա Ալավերդյանին տնային կալանքի տակ պահելու հիմքը, հետևաբար՝ կիրառված խափանման միջոց տնային կալանքը ենթակա է վերացման։

Նաիրա Ալավերդյանի պաշտպաններ են փաստաբաններ Մարինե Ֆարմանյանը և Վահագն Քեշիշյանը:»: