«Միջադեպը նաև մարդկանց կրթության և մշակույթի հետ կապված խնդրահարույց իրավիճակի արդյունք է»․ Անահիտ Մանասյան

«Նման միջադեպերը չեն կարող նորմալ դիտարկվել որևէ մարդու կողմից կամ որևէ հասարակությունում»,- այս մասին այսօր Կառավարության նիստից հետո հրավիրված ասուլիսում նշեց ՀՀ ՄԻՊ Անահաիտ Մանասյանը՝ անդրադառնալով երեկ Աջափնյակում տեղի ունեցած միջադեպին։

«Ցավոք տարրատեսակ իրավիճակներում գործ ենք ունենում նման բացասական երևույթների ու միջադեպերի հետ։ Տարբեր երևույթներ, այդ թվում երեկվա կրակոցների միջադեպը նաև մարդկանց կրթության և մշակույթի հետ կապված խնդրահարույց իրավիճակի արդյունք է, և համարում եմ, որ այդ առումով կրթության համակարգը պետք է ամբողջապես բարեկարգվի, բայց նաև տարբեր իրավապահ մարմիններ պետք է պատշաճ աշխատանքներ իրականացնեն»,- նշեց ՄԻՊ-ը։