Հնդկական Tejas կործանիչ է վթարվել

Հնդկաստանում վթարի է ենթարկվել Tejas Light Combat Aircraft (LCA) կործանիչ, հաղորդում է The Economic Times-ը՝ հղում անելով աղբյուրներին։

Ըստ թերթի՝ վթարը տեղի է ունեցել այս ամսվա սկզբին ավիաբազայում, երբ ինքնաթիռը վայրէջք էր կատարում ուսումնական առաքելությունից հետո։

The Economic Times-ը հաղորդում է, որ կործանիչն ամենայն հավանականությամբ շարքից դուրս կգրվի. օդաչուն խուսափել է լուրջ վնասվածքներից։ Թերթը նշում է, որ միջադեպը կապված է եղել Hindustan Aeronautics Limited (HAL)-ի կողմից Հնդկաստանի ռազմաօդային ուժերին մատակարարված 32 Tejas LCA միատեղանի ինքնաթիռներից մեկի հետ։