Զելենսկին առաջին անգամ ցույց է տվել իր բունկերը

Ուկրաինայի նախագահ Վլադիմիր Զելենսկին առաջին անգամ ցույց է տվել նախագահական նստավայրի շենքի տակ գտնվող բունկերը և իր գրասենյակը, որտեղ նա անցկացրել է լայնամասշտաբ պատերազմի առաջին ամիսները։

«Այս գրասենյակը, Բանկովա փողոցի բունկերի այս փոքրիկ սենյակը՝ այստեղ էին պատերազմի սկզբում համաշխարհային առաջնորդների հետ առաջին զրույցները։ Այստեղ եմ խոսել նախագահ [ԱՄՆ նախագահ Ջո – խմբ.] Բայդենի հետ, և այստեղ եմ լսել. «Վլադիմիր, սպառնալիք կա, դու պետք է անհապաղ լքես Ուկրաինան։ Մենք պատրաստ ենք օգնել»։ Ես պատասխանեցի, որ ինձ զենք է պետք, ոչ թե տաքսի»,- հայտարարել է նա՝ պատերազմի մեկնարկի չորրորդ տարելիցի ուղերձի ժամանակ։