«Սահմանազատում չի եղել, որ շարունակվի․ Ադրբեջանին են հանձնվել տարածքներ»․ Ոսկան Սարգսյան

Ոսկան Սարգսյանի ֆեյսբուքյան գրառումը․ «Սահմանազատում չի եղել, որ շարունակվի․
ԱԺ փոխանախագահ Ռուբեն Ռուբինյանը հայտարարել է, որ Կիրանցի և կողքի գյուղերի բնակիչներն ուզում են, որ սահմանազատումը շարունակվի։ 2024-ին սահմանազատում չի եղել, որ շարունակավի, սահմանազատման անվան տակ, միակողմանի կերպով Ադրբեջանին են հանձնվել Կիրանցի կամուրջը, միջպետական ճանապարհի մի հատված, Կիրանց գյուղին պատկանող 15 հեկտար տարածք, Բերքաբերի մոտ, և Կիրանց-Ոսկեպար հատվածում 30 տարի ամրացված պաշտպանական դիրքերը։ Եթե սահմանազատում լիներ, ՀՀ-ին կվերադարձվեին Բերքաբեր գյուղին պատկանող մոտ 900 հեկտար հողերը, որոնք գտնվում են Ջողազի լճի ձախ ափին»։