«Իշխանությունները սարսափում են ոչ թե «Գյումրի 2», այլ «Փարաքար 2» սցենարից»․ Արեգ Սավգուլյան

Պատմաբան Արեգ Սավգուլյանի ֆեյսբուքյան գրառումը․ «Իշխանությունները սարսափում են ոչ թե «Գյումրի 2», այլ «Փարաքար 2» սցենարից։ Ինչո՞ւ։
1) Ո՞վ է սպանել Փարաքարի համայնքապետ Վալոդյա Գրիգորյանին և նրա ընկեր Կարեն Աբրահամյանին։ Սպանության պատճառը քաղաքակա՞ն էր, թե՞ նեղանձնական, քաղաքական ֆիգուրի կամ ֆենոմենի ոչնչացո՞ւմ, թե՞ էլեմենտար վրեժխնդրություն։ Ենթադրյալ մեղադրյալները մարդասպաններ են, թե քավության նոխազներ։ Նման հարցադրումներ չէին ծնվի եթե այս քրեական գործով անցնող երկու երիտասարդները երեկ դատարանում չհայտարարեին, որ իրենք չեն սպանել և չեն ուզում մնալ անեծքի տակ, հաջորդիվ կտան ավելի մանրամասն ցուցմունք, թե ինչպե՞ս և ինչո՞ւ ստանձնեցին սպանության պատասխանատվությունը։ (Ապահովել այս զույգի առավելագույն անվտանգությունը՝ շուրջօրյա):
2) 2025 թվականի մարտին Փարաքարի ընտրություններում Վալոդյա Գրիգորյանի թիմը ջախջախիչ հաղթանակ տարավ՝ հավաքելով ձայների 56 %-ը, ՔՊ-ն 31.6 %, այլ ուժեր՝ 12.4 %։ ՔՊ-ն կենտրոնացրել էր ողջ պետական և մասնավոր ռեսուրսները, բայց բարին հաղթեց չարին։ Գյումրիում այլ պատկեր էր, որպես առանձին ուժ ՔՊ-ն ամենաշատն էր հավաքել, բայց այստեղ, չնայծ Վարդան Ղուկասյան-Մարտուն Գրիգորյան հակամարտությանը, ձևավորվեց կոալիցիա և ՔՊ-ն կորցրեց ՀՀ-ի 2-րդ մեծ քաղաքը։
3) Երբ ՔՊ-ականները թմբկահարում են, որ «Գյումրի 2» չի լինելու, նրանք իրականում սարսափում են, այլ պատկերից՝ «Փարաքար 2»-ից։ Եթե մեկ քաղաքական ուժ ձեռք բերի 56 %, ապա այն կարող է հեշտությամբ ընդամենը մեկ այլ ընդդիմադիր ուժի հետ համագործակցությամբ, ապահովել մշտական քվերակությունների 2/3-ը ԱԺ-ում, իսկ դա խորհրդանշում է թավիշյա ապոկալիպսիսի մայրամուտը։ Նոր գլխավոր դատախազն ամեն օր կգա պառլամենտում պատահաբար հայտնված հավերժ դեղնակտուց քպականների հետևից։ Ոչ ոք, ոչ մի դեպքում չի ներելու սրանց ամբարտավանությունն ու ամենաթողությունը և ԱԺ-ն հայրենադավների ապաստարան չի լինելու։
Հ.Գ. Հիմա ինքներդ դատեք սպանության դրդապատճառը քաղաքական էր, թե՞ անձնական»։