«Գերադասում եմ լինել ռուսական «ագենտ», քան դառնալ Թուրքիայի շունը»․ Լևոն Ջավախյան

Արձակագիր Լևոն Ջավախյանի ֆեյսբուքյան գրառումը. «ԵՍ ՉԵՄ ՈՒԶՈՒՄ ԼԻՆԵԼ ԹՈՒՐՔԻԱՅԻ ՇՈՒՆԸ
Էս իշխանությունների ամենամեծ թշնամին Ռուսաստանն է։ Հանձին Սամվել Կարապետյանի ՔՊ-ն տեսնում է Ռուսական ագենտի։ Մեր տարածաշրջանում Հայաստանյան ընտրություններին միջամտելու գործում առկա է երկու ուժ։ Դա Թուրքիան է և Ռուսաստանը։ Էն ինչ իշխանությունները բարձրաձայնում են՝ արևմտյան կողմնորոշում, այդպիսին գոյություն չունի։ Արևմուտքն ամեն կերպ ՔՊ-ական իշխանություններին հորդորում է հնարավրինս գնալ զիջումների հանուն Թուրքիայի և Ադրբեջանի շահերի։ Արևմուտքը մեր տարածաշրջանի կիզակետում առկա է Թուրքիայի դեմքով։ Արևմուտքը թքած ունի Հայաստանի վրա։ Նրա գերագույն շահը ռուսներին այս տարածաշրջանից քշելն է։ Հայաստանը նրանք Հարավային Կովկասում, փաստորեն, դիտում են մի յուրահատուկ սայթակուն օճառ, որի վրա կանգնած է Ռուսաստանը։ Այս տարածաշրջանում Ռուսաստանի շահը պահանջում է այն ամենի հակառակը, որ թելադրում է Թուրքիան՝ ապավինելով Արևմուտքին։ Այսինքն՝ զարկ տալ Հայոց ինքնությանը, ազգային արժանապատվությանը, տնտեսական և ռազմական հզորությանը, սահմանների անխախտելիությանը և երկրի անվտանգությանը։ Այդ ամենին նա միտված է ոչ միայն հայ ժողովրդի նկատմամբ տածած սիրով, այլ կայսրապաշտպան իր շահով, որպեսզի Հարավային Կովկասում սպառնացող վտանգի առջև ունենա հուսալի պատնեշը։ Մի հանգամանք, որը համահունչ է Հայաստանի Հանրապետության ազգային շահերին։
Ես իմ ձայնը տալու եմ Սամվել Կարապետյանին։
Ես գերադասում եմ լինել ռուսական «ագենտ», քան դառնալ Թուրքիայի շունը...»։