«Առաջարկում ենք վերանայել նախակրթարանների տարիքային շեմը». Ժաննա Անդրեասյան

«Միջազգային հետազոտությունները ցույց են տալիս, որ նախադպրոցական կրթության մեջ ընդգրկվածությունն էապես ազդում է երեխայի հետագա արդյունքների վրա դպրոցում: Այս տրամաբանության մեջ մենք առաջարկում ենք օրենքում կատարել փոփոխություն՝ տարիքային շեմը վերանայել»,- ԱԺ ԿԳՄՍԵՍ հանձաժողովի նիստում «Նախադպրոցական կրթության մասին» օրենքում լրացում և փոփոխություններ կատարելու հարցի քննարկման ժամանակ ասել է ԿԳՄՍ նախարար Ժաննա Անդրեասյանը: Նա ընդգծել է, որ այն վայրերում, որտեղ դա բնակավայրի միակ նախադպրոցական հաստատությունն է, երեխաները կունենան ավելի վաղ ընդգրկվելու հնարավորություն: «Իսկ քաղաքային բնակավայրերում, որտեղ մենք ունենք մանկապարտեզների ծանրաբեռնվածություն, սա հնարավորություն կտա, որ երեխաներն ավելի վաղ փուլում կարողանան նախադպրոցական կրթության մեջ ընդգրկվել: Տարիքային 2 շեմ է առաջարկվում. ստանդարտը՝ 4-ից 6 տարեկանների համար, իսկ այն բնակավայրերում, որտեղ դա միակ նախադպրոցական ծառայությունն է, հնարավոր է 3-ից 6 տարեկանների համար նախակրթարանների գործունեության ապահովում»,- նշել է նախարարը: