«Բազմաթիվ մարդիկ ապօրինի կալանավորված են և նույն վտանգի տակ են»․ Հովհաննես Իշխանյան

Հասարակական գործիչ, ռեժիսոր Հովհաննես Իշխանյանը ֆեյսբուքյան իր էջում գրել է․ «Արդյոք հնարավո՞ր էր խուսափել Արսեն Գևորգյանի մահվանից։
Միանշանակ հնարավոր էր։
Կալանքը որպես կամայական պատիժ կիրառելու ու դրա ողբերգական հետևանքների մասին հազար անգամ է խոսվել։
Քաղբանտարկյալների թեմայով Ազգային ժողովի լսումների ժամանակ է խոսվել 2025թ․ նոյեմբերի 26-ին, Կոմիտե 26-ի զեկույցում և զեկույցի ներկայացման ժամանակ է խոսվել 2026թ․ սեպտեմբերի 11-ին, ընդամենը 8 օր առաջ՝ նոյեմբերի 3-ին, «Կալանավորված Հայաստան» կլոր սեղանի ժամանակ է սրա մասին թմբկահարվել։ Քաղաքական իրավունքների հայկական կենտրոնն է բազմիցս խոսել։ Սրա մասին խոսվել է 4 կազմակերպությունների ուսումնասիրությունում ներկայացված՝ ՄԱԿ-ի 2025թ․ համընդհանուր պարբերական դիտարկման զեկույցում։
Նույնիսկ, նույնիկ ՔՊ-ի 65 պատգամավորներով նշանակված Մարդու իրավունքների պաշտպանն է դրանից խոսել։
Եվ, հավայի ցավակցություններով-մավակցություններով չեն մոլորեցնի, բոլորդ էլ գիտեք, որ անմեղ մարդուն ապօրինի կալանք էին տվել, ոնց որ արել էին Մամիկոն Ասլանյանի, Նաիրա Ալավերդյանի ու Արմեն Գրիգորյանի հետ։
Հիմա բազմաթիվ մարդիկ էլի ապօրինի կալանքի տակ են, պատանդ են ու բոլորն էլ նույն վտանգի տակ են»։