«Եգիպտացորեն ուտելու փոխարեն կարող էր աշխարհի առաջնորդների հետ քննարկել տարածաշրջանային գործընթացները». Նարեկ Կարապետյան

«ՀՀ ժողովուրդն ուժեղ առաջնորդ է փնտրում: Մարդիկ հոգնել են թուլությունից, թույլ Փաշինյանից, ով ավտոբուսում եգիպտացորեն է ուտում, փոխարենը կարող էր աշխարհի առաջնորդների հետ գոնե հեռախոսով քննարկել տարածաշրջանային գործընթացները»,- Սամվել Կարապետյանի անվտանգային ծրագրի շնորհանդեսի ժամանակ հայտարարեց «Ուժեղ Հայաստան» կուսակցության խորհրդի անդամ Նարեկ Կարապետյանը: «Մարդկանց ավելի քան 80 տոկոսը, ըստ հարցումների, վախենում է, որ թույլ Կառավարությունը ՀՀ-ի համար կստեղծի նոր մարտահրավերներ: Հասարակությունը վախենում է նոր հարձակումից»,- ասել է նա՝ հավելելով, որ Փաշինյանը երեք պատերազմ է պարտվել: