«Հրազդանի կիրճում սկսում ենք շատ լավ նախագծի իրականացում. տարածքը հատուկ կարգավիճակ կստանա». Նիկոլ Փաշինյան

Հրազդանի կիրճի Աթենքի փողոցին հարող՝ Հրազդանի կիրճի սկզբնամասից 5,5 կիլոմետրի վրա գտնվող հատվածում բազմաֆունկցիոնալ հանգստի գոտի կկառուցվի, որի համար բյուջեից կտրամադրվի 172, 608.2 հազար դրամ: Այս մասին նախագիծն այսօր քննարկվեց Կառավարության նիստում:

Վարչապետ Նիկոլ Փաշինյանն այս նախագծի մասին ասաց. «Հրազդանի կիրճի մասով սկսում ենք նախագծի իրկանացումը: Տվյալ հատվածը ինքը արդեն ապրում է որպես էդպիսին, հատկապես շաբաթ և կիրակի օրերին մարզվող, վազքով, հեծանիվով, ձկնորսությամբ ձբաղվող մեր քաղաքացիները հիմնականում կենտրոնանում են այդտեղ: Հիմա մեր խնդիրը այդ ժամանցը ավելի հարմարավետ դարձնելն է: Շատ լավ նախգիծ է: Հիմա կառվարությունը իր աշխատանքը պետք է անի, ԱԺ-ն հույս ունեմ կընդունի այդ օրենքը, որից հետո տարածքը հատուկ կարգվիճակ կստանա: Մենք այդ նախագիծը պետք է սկսենք իրականացնել և սկսում ենք իրկանացնել»: