«Տիկին Վարդապետյանը մեզ հետ հանդիպելու ցանկություն չունի»․ Աննա Հովհաննիսյան

«Տիկին Վարդապետյանը մեզ հետ հանդիպելու ցանկություն չունի»,- Գլխավոր դատախազության դիմաց հաջակցություն Դավիթ Միասյանի կազմակերպած ակցիայի ժամանակ հայտարարեց ակցիայի կազմակերպիչներից Աննա Հովհաննիսյանը, ով դերասանուհի Անաիս Սարդարյանի հետ նամակ էին փոխանցել դատախազություն և պահանջել հանդիպում գլխավոր դատախազի հետ։ «Մեզ՝ հասարակ մահկանացուներիս չընդունեց, գուցե կոստյումով չէինք դրա՞ համար։ Մենք իրենց փոխանցել ենք, որ եթե, Աստված չանի, Դավիթի հետ ինչ որ բան պատահի, այս ամեն ինչը՝ թե ի պաշոնե, թե մարդկային՝ իրենց խղճի վրա է, որովհետև բացի պաշտոնյաներ լինելուց, նրանք բոլորը ծնող են և ունեն երեխաներ։ Ամեն ինչ այս կյանքում պաշտոնով չէ»,- շարունակեց Հովհաննիսյանը։ «Խոսքս ուղղում եմ տիկին Վարդապետյանին․ մի վախեցեք հանդիպել ՀՀ քաղաքացիների հետ»,- նշեց նա։