«Իմ այդ հայտարարության մեջ սպառնալիքի որևէ էլեմենտ չկա». Նիկոլ Փաշինյան

«Ի՞նչ նկատի ունեք, երբ ասել եք՝ վախենամ Սամվել Կարապետյանը մինչև տարեվերջ բոմժ դառնա․ սա ունեզրկման մասին սպառնալի՞ք է, թե՞ ինչ»,- ճեպազրույցի ժամանակ լրագրողն հարցն ուղղեց վարչապետ Նիկոլ Փաշինյանին։ «Իմ այդ հայտարարության մեջ սպառնալիքի որևէ էլեմենտ չկա, որովհետև ես չեմ ասում՝ ես խոստանում եմ, ես ասում եմ՝ վախենում եմ, որ այդպես տեղի կունենա։ Ինչո՞ւ եմ վախենում, որովհետև կարծում եմ, որ ձեր նշած անձը, այն խոստումները, որ տվել է որոշ շրջանակների՝ նաև Հայաստանից դուս գտնվող, որոնք որոշակի լծակներ ունեն նաև իր ունեցվածքի վրա, ակնհայտ է, որ ինքն իր ստանձնած պարտավորությունները չի կատարելու և այդ ամբողջ ունեցվածքն իր ձեռքից վերցվելու է։ Եվ ես դրա համար շատ ցավում եմ, որովհետև չէի ցանկան, որ որևէ տեղ հայկական համարվող որևէ կապիտալ զրոյացվեր»,- պատասխանել է Նիկոլ Փաշինյանը։