Բարձրագույն լիգայում առաջին անգամ տղամարդկանց ֆուտբոլային ակումբը կին է գլխավորել 

34-ամյա Մարի-Լուիզ Էթը նշանակվել է Բեռլինի «Յունիոն Բեռլին»-ի գլխավոր մարզիչ։ Նա իր դեբյուտը կնշի հաջորդ շաբաթ։

«Յունիոն»-ը հայտարարել է, որ Մարի-Լուիզ Էթը թիմի հետ կաշխատի՝ որպես ժամանակավոր գլխավոր մարզիչ մինչև մրցաշրջանի ավարտը։

Էթը փոխարինում է 54-ամյա Շտեֆեն Բաումգարտին, որը թիմը ղեկավարում է այս տարվա հունվարից։ Մարի-Լուիզ Էթը նախկինում աշխատել է «Յունիոնի» երիտասարդական թիմում։

«Յունիոն»-ի առաջին խաղը Մարի-Լուիզ»-ի գլխավորությամբ կանցկացվի ապրիլի 18-ին՝ «Վոլֆսբուրգ»-ի դեմ։ Գերմանիայի առաջնության ավարտին մնացել է հինգ տուր, իսկ «Յունիոն»-ը ներկայում զբաղեցնում է 11-րդ տեղը։

Մարզչական կարիերան սկսելուց առաջ Էթը խաղացել է գերմանական ակումբներում և Գերմանիայի երիտասարդական հավաքականներում։ 2014 թվականի ամռանը նա ամուսնացել է նիգերիացի ֆուտբոլիստ և մարզիչ Բենջամին Էթի հետ։

Նախկինում կանայք չէին աշխատել՝ որպես գլխավոր մարզիչներ տղամարդկանց թիմերում լավագույն 5 առաջնություններում (Իտալիա, Իսպանիա, Գերմանիա, Անգլիա, Ֆրանսիա):