«Հիբրիդային քաղաքական գործընթացի ու քարոզչության թիվ 1 հեղինակը Նիկոլ Փաշինյանն է»․ Նաիրի Հոխիկյան

Լրագրող, հանրային գործիչ Նաիրի Հոխիկյանի ֆեյսբուքյան գրառումը․ «Հայաստանում հիբրիդային քաղաքական գործընթացի ու քարոզչության թիվ 1 հեղինակը Նիկոլ Փաշինյանն է։
Եթե ԵՄ-ից գործուղված մասնագետների նպատակը իշխանության վերարտադրությունն չէ, ապա նրանք շատ պարզ կտեսնեն, որ Նիկոլ Փաշինյանը տարբեր ընդդիմադիր ուժերի շարքեր է գործուղել իր գործակալներին, որոնք ընդդիմադիրի անվան տակ աշխատում են Նիկոլի օգտին, վարկաբեկում են ընդդիմությանը։
Ընդդիմության նախընտրական ցուցակներում շատ են ՔՊ-ն օրեր առաջ ձևականորեն լքածներ, որոնք սև բիծ են հենց ընդդիմության համար։ Ցավոք, ընդդիմադիր շատ ուժեր դա չեն գիտակցում։
Միաժամանակ տարածվում են ատելություն պարունակող հրապարակումներ, որոնք վերագրվում են Ռուսաստանի, Իրանի կառավարություններին կամ Քոչարյանին, Սամվել Կարապետյանին, Գագիկ Ծառուկյանին, այնինչ իրականում դրանք գրվել են Հայաստանի կառավարությունում։
Չմոռանանք նաև, որ շուն դոգի, Արամ Զավենի Սարգսյանի, իրեն շնորհապետ կարգած ոմն Գուրգեն Սիմոնյանի, Բոլորին դեմ և նմանատիպ նախագծերի մասնակցությունը ընտրություններին ընդամենը ձայներ փոշիացնելու նպատակ ունի, ինչն օգտակար է միայն Նիկոլ Փաշինյանին։
Այս ամենը դասական հիբրիդային քաղաքական գործընթաց է, ինչին հատուկ ուշադրություն պետք է դարձնեն Եվրոպայի «ժողովրդավար» ու «անկողմնակալ» ներկայացուցիչները»։