«Ղարաբաղում տեսանք ցեղասպանության շարունակությունը՝ այլ ձևով․ հիմա նաև Սյունիքի հարցն է դրված»․ Վաղարշակ Հարությունյան

«Ցեղասպանությունը փաստ է, փաստ է ոչ միայն հայ ժողովրդի համար, այլ նաև 30-ից ավելի երկրներ ճանաչել են Հայոց ցեղասպանությունը»,- այս մասին այսօր Ծիծեռնակաբերդի հուշահամալիրում լրագրողների հետ զրույցում նեց Ռեֆորմիստների կուսակցության վարչապետի թեկնածու, պաշտպանության նախկին նախարար Վաղարշակ Հարությունյանը։

«Այն, ինչ տեղի ունեցավ Ղարաբաղում, դա ցեղասպանության շարունակությունն էր՝ այլ ձևով․․․ Օսմանյան Թուրքիան ցեղասպանության ժամանակ ուզում էր ստեղծել միատարր պետություն, որը տեղավորվում էր պանթուրքիզմի գաղափարի մեջ։ Հիմա մենք Ղարաբաղում տեսանք նույն գաղափարի շարունակությունը, բայց այլ ձևով․ հիմա նաև դրված է Սյունիքի հարցը։ Այնպես որ, մոռանալ Ցեղասպանությունը, որը շարունակվում է, հնարավոր չէ և դա չի ապահովում հայ ժողովրդի անվտանգությունը»,- նշեց Հարությունյանը։