«Ադրբեջանի ծրագրերում չեն տեղավորվում Հայաստանում իշխանության փոփոխության սցենարները». Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Մի բան կա, որ Ադրբեջանը և Հայաստանի դեմ որոգայթներ լարողները հաշվի չէին առել։ Դա այն է, որ տոտալ մանիպուլյացիաների, ստի ու խաբեության թիրախում հայտնված ժողովրդի մեջ կպահպանվի ներքին դիմադրություն թե՛ արտաքին աշխարհի դեմ և թե՛ ներսում՝ սեփական իշխանությունների։
Ընդհանրապես՝ այսօրվա գործընթացների դեմ եթե դիմադրություն չլիներ (որն հաճախ նկատելի չէ անտեղյակների կամ ոչ մասնագետների համար), Ադրբեջանի պահանջների տրամաբանությունը կաճեր չափազանց արագ, իսկ գործողությունները կդառնային առավել քան համարձակ։
Այժմ վտանգված է այդ կոմբինացիան՝ վստահելի վարչակարգի միջոցով աստիճանաբար երկրի ներսում կոտրել դիմադրության կամքն ու ցանկությունը և համոզել տարածաշրջանի ինտեգրացիոն ազդեցության դրական էֆֆեկտի մեջ։ Եթե Ադրբեջանի ցանկալի վարչակարգը որևէ կերպ զրկվում է իշխանությունից, ապա Ադրբեջանը ստիպված է լինում մշակել նոր ռազմավարություն, սահմանել նոր նպատակներ՝ գետնի վրա եղած իրողությունների համապատասխան և նոր դիրքավորում որդեգրել։
Եվ միայն եղած վարչակարգի վերարտադրությունն է, որ երաշխավորում է Ադրբեջանի ռազմավարական նպատակների իրացումը՝ ներքին դիմադրությունը կասեցնելու կամ լավագույն դեպքում՝ կոտրելու միջոցով։
Ադրբեջանի ծրագրերում չեն տեղավորվում Հայաստանում իշխանության փոփոխության սցենարները․ հետևաբար նրանք ունեն սեփական ֆավորիտը, ու հավանաբար ամեն ինչ կանեն, վերջինիս վերարտադրության համար առնվազն մինչև կլուծեն Հայաստանի ռազմավարական կենսունակության ներուժը սպառելուիրնեց խնդիրը, որը երբեք չեն թաքցրել»։